أعيش في أمريكا منذ سنوات، وكان أكبر تحدٍّ عندي مع أولادي هو موضوع الحدود الجنسية: كيف أطرح الفكرة؟ كيف أتحدث معهم بطريقة صحيحة دون خوف أو ارتباك؟ خصوصًا في بيئة مليئة بالمؤثرات والإعلام المفتوح. كنت أتابع فيديوهات كثيرة، لكن لما بدأت أسمع للدكتور سميح حسّيت لأول مرة أن هناك شخص يفهم جذور المشكلة وليس فقط مظاهرها. دخلت الدبلوم لأبحث عن حلول، لكني اكتشفت شيئًا أعمق بكثير: التغيير يبدأ من عقليتي أنا كمربية. كل محاضرة كانت تقرّبني خطوة، وكل تطبيق بسيط في البيت يعطيني نتيجة حقيقية. تعلمت أسس الحوار، وكيف أتعامل مع المواضيع الحسّاسة بدون صدام أو خوف، وكيف أكون مرجعًا آمنًا لأولادي. الدكتور كان ملتزمًا معنا بشكل يفوق التوقع—يسمع، يشرح، يعطي خطوات واضحة، ويعاملنا كأهل نمرّ بتحديات حقيقية. اليوم… أصبحت واثقة، وعندي أدوات لم أكن أعرف أصلًا أنها موجودة."

أنا عنجد حسّيت حالي محظوظة كتير إني صادفت بالصدفة إعلان هذا البرنامج على فيسبوك. كنت دايمًا أتابع فيديوهات تربوية من أكتر من شخص، بس طريقة الدكتور سميح شدّتني لأنها علمية، واقعية، وبتنطلق من تجربة حقيقية مش مجرد آراء شخصية. خلال الدبلوم، حسّيت إني عم أحقق أهدافي خطوة بخطوة. هو البرنامج الوحيد اللي عنجد راح أفتقده لما يخلص، لأنه مش مجرد دراسة بتخلص بالشهادة... بل تجربة بتغيّر طريقة التفكير والسلوك. وبصراحة، بتمنى يكون في مرحلة متابعة بعد الدبلوم – زي التعليم المستمر للأهل – لأنه فعلاً يلي التزم بهالبرنامج إنسان حريص يستثمر بمستقبل أولاده. الجميل كمان إنو كان في مشتركين من كل الدول العربية – من المغرب، الجزائر، المشرق، والشتات – وهالشي خلق جو من الألفة والتنوع الرائع. واليوم لما بتعامل مع بناتي أو حتى مع الأطباء والمتدرّبين عندي، بشوف كيف انعكست المهارات التربوية اللي تعلمتها على أسلوبي وشخصيتي المهنية والإنسانية.

أنا كنت أبحث عن فهم أعمق للعائلة والعلاقات… مش بس كأم، بل كإنسانة عندها مسؤوليات كثيرة، وأحيانًا بتحس إنها عم تلعب كل الأدوار لوحدها. هالشي كان مرهق جدًا، خصوصًا لما تكوني حاطة ببالك إنو أولادك أمانة، وإنك لازم تكوني مثالية بكل شي. ومع الوقت، حسّيت إني فقدت جزء من شغفي بالحياة. بين مسؤولياتي كأم وممرضة وأستاذة جامعية، صار يومي مليان واجبات، بس قليل من المتعة. لهيك كنت أبحث عن تربية مختلفة… عن "تربية واعية"، نابعة من وعي وفهم مش من خوف أو تقاليد. ولما شاركت في دبلوم التربية الأسرية مع الدكتور سميح عزالدين، حسّيت إنو هذا بالضبط اللي كنت أدوّر عليه. البرنامج ما علّمني فقط كيف أتعامل مع أولادي… علّمني كيف أعيش تربيتي بسعادة ووعي واتزان، وكيف تكون التربية مصدر راحة ونمو، مش تعب وضغط. بكل صدق، كانت التجربة نقطة تحوّل حقيقية في حياتي – إنسانيًا ومهنيًا.

أنا ممتنّة جدًا، من كل قلبي، وسعيدة إنو حظيت بفرصة أتعرف عليكم وأسجّل معكم. البرنامج خلاني أعيش التربية بوعي وطمأنينة أكتر، وحسّيت بالفرق مو بس عند أولادي، بل بجو العيلة كله. وإن شاء الله بكمل معكم بكل المراحل القادمة، لأنّي مؤمنة إنو هالمشروع التربوي الكبير رح يوصل لمكان عظيم. أتمنى لكم كل النجاح والتوفيق من القلب ❤️

عن جد بدي قلك إني كثير استفدت من الكورس، يمكن أكتر مما توقّعت. كنت قبل دايمًا معصّبة ومتوترة، وأحيانًا بدون سبب واضح… بس بعد ما بلّشت أطبّق اللي تعلّمته، علاقتي مع أولادي تغيّرت تمامًا. صرنا نخصّص وقت مع بعض قبل النوم، نحكي ونضحك ونسمع بعض… حتى صارت نص ساعة بسيطة تصنع سعادة كبيرة بالبيت. صار البيت هادئ، دافئ، كله طاقة حلوة. واكتشفت شغلة مهمة: كل ما كنت أنا أهدأ، بيهدوا الأولاد أكتر، وكل ما أعطيتهم حب واحترام، رجّعولي أضعافه. هلق صرت أستمتع بحياتي معهم، بفرح لما يطلعوا الصبح على المدرسة، وبشتاقلهم لين يرجعوا، نقعد سوا، نحضر شي، ونضحك من القلب. بكل صدق، بحس إنو البرنامج غيّر حياتي الأسرية بالكامل. وبقولها من قلبي: “خسارة إني ما اشتركت من زمان.” شكراً من القلب للدكتور سميح ومدام زينب، الله يوفقكم، لأنو اللي عم تعملوه فعلاً عم يخلق بيوت مرتاحة وأمهات سعيدة.

أقولها بكل صدق… تجربتي كانت مختلفة تمامًا. كنت أدخل يوميًا بأسئلة لا تنتهي: كيف أتصرف إذا ابني عمل كذا؟ لماذا يتكرر هذا السلوك؟ وهل ردّ فعلي صح أم غلط؟ الفيديوهات القصيرة كانت تعطيني نصف جواب… لكن الأسئلة تبقى معلّقة." "مع الدبلوم، الصورة التي كانت مبهمة بدأت تتّضح أسبوعًا بعد أسبوع. العلامات الاستفهام اختفت، وصرت أفهم ابني من زاوية جديدة بدل ما أغضب أو أتوتر أو أشعر بالذنب." "أهم شيء تعلّمته: عقلية المربي. بدل ما أشعر بالإحباط من سلوك طفلي، صرت أراه من منظور جديد… أفهم احتياجاته، وأتفاعل معه بدون غضب." "حتى روتيني اليومي تغيّر: – كنت أتضايق من ساعات نومه الطويلة… اليوم صرت أفهم سببها. – كنت أتوتّر إذا طلب شيء أمام الناس… اليوم صرت أتعامل معه بهدوء. – كنت بيتوتية جدًا… واليوم صرت أخرج أكثر وأعيش معه وقتًا نوعيًا حقيقيًا." "الميزة اللي ما توقعتها هي ثراء الدبلوم: الوعي المالي، الإسعافات الأولية، الحكايات العلاجية، التنفس الصحيح… كلها جوانب أثرت شخصيتي قبل ما تؤثر على طفلي."